Ադրբեջանական Trendլր ատվական գործակալության փոխանցմամբ՝ Ժնևում անցկացվել է Հարավային Կովկասի անվտանգության խնդիրներին նվիրված բանակցությունների 21-րդ փուլը: Դրան մասակցող Վրաստանի փոխարտգործնախարար Սերգի Կապանաձեն լրագրողների հետ զրույցում հայտարարել է, որ վրացական կողմի 21-րդ փուլի ամենամեծ նվաճումը ուժի չկիրառման մասին փաստաթղթի շուրջ բանակցություններ սկսելն է.
«Մենք պայմանավորվել ենք աշխատանքներ սկսել համատեղ փաստաթղթի մշակման ուղղությամբ: Մենք հուսով ենք, որ Ռուսաստանը պարտավորություն կստանձնի ուժի չկիրառման մասին: Այդ դեպքում Վրաստանը կհասնի նրան, որ Ռուսաստանը պաշտոնապես հրաժարվի Վրաստանի դեմ հնարավոր նոր ագրեսիայից: Դա կլինի միջազգային պարտավորություն, որը խախտելը հեշտ չի լինի, և որը կծառայի Վրաստանի անվտանգության ապահովմանը»:
