Նոբելյանական կոմիտեն այսօր ժամը 13:00-ին կհայտարարի 2012 թվականի Խաղաղության նոբելյան մրցանակակրի կամ մրցանակակիրների անունները: Ուկրաինայի նախկին նախագահ Յուլյա Տիմոշենկոն բուքմեյքերների կազմած հավանական դափնեկիրների ցուցակում է: Այս մասին հայտնում է Rosbalt.ru-ն:
Հավանական մրցանակիրներ են համարվում նաև Ղազախստանի նախագահ Նուրսուլթան Նազարբաևը, ԱՄՆ 42-րդ նախագահ Բիլ Քլինթոնն ու WikiLeaks սկանդալային կայքի հիմնադիր Ջուլիան Ասանժը:
Այս տարի Խաղաղության նոբելյան մրցանակին հավակնում է 231 թեկնածու:
Բուքմեյքերների կազմած ցուցակում Տիմոշենկոն երրորդ տեղում է : Առաջին տեղում է կանանց իրավունքների և ընդհանրապես մարդու իրավունքների պայքարի մարտիկ Սիմա Սամարը՝ Աֆղանստանից: Երկրորդ տեղում է ամերիկացի զինվոր Բրեդլի Մենինգը, որը գողացել և WikiLeaks պորտալին էր հանձնել ամերիկյան գաղտնի դիվանագիտական 250 հազար փաստաթուղթ: Ներկայում նա ձերբակալված է և սպասում է դատին:
Չորրորդ տեղում է եգիպտուհի Մեգի Գոբրանը, որին անվանում է Կահիրեի Մայր Թերեզա: Խաղաղության նոբելյան մրցանակի հավակնորդների բուքմեյքերային ցուցակի հնգյակը եզրափակում է կուբացի բժիշկ, մարդու իրավունքների պայքարի մարտիկ Օսկար Էլյաս Բիսկետ Գոնսալեսը, որն իր գործունեության համար դատապարտվել է 9 տարվա ազատազրկման:
