Վրաստանի պաշտպանության նախկին նախարար Թենգիզ Կիտովանին, ով նախկինում դատապարտվել էր անօրինական զինված խմբավորումներ ստեղծելու համար, իսկ ազատ արձակվելուց հետո գնացել Ռուսաստան, մտադիր է վերադառնալ հայրենիք: Այս մասին, Новости-Грузия-ի փոխանցմամբ, նա հայտարարել է «Իմեսի» հեռուստաալիքին տված հարցազրույցում:
«Ես լիովին աջակցում եմ երկրի նոր ղեկավարությանը»,- ասել է նախկին նախարարը (ակնհայտորեն նկատի ունենալով ընտրություններում հաղթած Բ. Իվանիշվիլու «Վրացական երազանք» կոալիցիային): Նա նաև ասել է, որ առայժմ անձամբ չի կապվել կոալիցիայի ներակայացուցիչների հետ:
Իր վերադարձի ամսաթիվը Կիտովանին չի նշել:
Թե Կիտովանին ինչով է պատրաստվում զբաղվել Վրաստանում` չի նշվում:
Հիշեցնենք, որ «Մհեդրիոնի» («Ձիավորներ») ռազմականացված խմբավորման հետ նա կազմակերպել էր հեղափոխություն, որի հետևանքը եղավ Գամսախուրդիայի տապալումն ու նրա փախուստը երկրից: