Համաշխարհային տնտեսական ֆորումի «Ճամփորդություն և զբոսաշրջություն. մրցակցություն 2011» զեկույցում կան շարք հետաքրքիր ենթաինդեքսներ:
Այսպես, օրինակ, ոստիկանական ծառայությունների հուսալիությամբ ՀՀ-ն 139 երկրների շարքում 112-րդ տեղում է, օդային տրանսպորտի ենթակառուցվածքների որակով` 95-րդ, վերգետնյա տրանսպորտի ենթակառուցվածքների որակով` 106-րդ, տեղեկատվական հասարակությանը բնորոշ տեխնոլոգիաների առումով (լայնաշերտ ինտերնետ, հեռախոսային գծեր և այլն)` 97-րդ տեղում:
Պարզվում է, որ մենք արդեն աշխարհում ամենավերջին տեղերում ենք նաև շրջակա բնական միջավայրի գրավչությամբ (124-րդ տեղ) և էկոլոգիական իրավիճակի կայունությամբ (111-րդ տեղ):
Հիշեցնենք, որ ճամփորդության և զբոսաշրջության մրցակցության համալիր ինդեքսով Հայաստանը 90-րդ տեղում է: Համալիր ինդեքսը կազմված է 14 ենթաինդեքսներ միավորող հետևյալ երեք ինդեքսներից` «Ճամփորդության և զբոսաշրջության կարգավորման դաշտը» (այստեղ մենք 58-րդ տեղում ենք), «Ճամփորդության և զբոսաշրջության գործարար միջավայրն ու ենթակառուցվածքները» (100-րդ տեղում ենք) և «Մարդկային, մշակութային և բնական ռեսուրսները» (107-րդ տեղում ենք):
