Բրիտանական դիվանագիտական պատվիրակությունը, որը երեկ ժամանել է ընդդիմության կողմից վերահսկվող, լիբիական Բենղազի քաղաք, ստիպված է եղել ձեռնունայն վերադառնալ Բրիտանիա: Դիվանագետներն այստեղ էին ժամանել մարտի 6-ին ընդդիմադիրների հետ կապեր հաստատելու համար: Այս մասին հաղորդում է France Prese գործակալությունը:
Այս կապակցությամբ հայտարարությամբ է հանդես եկել Մեծ Բրիտանիայի արտաքին գործերի նախարար Վիլյամ Հեյգը: Ընդդիմադիրներն իրենց հերթին հաստատել են դիվանագիտական առաքելությանը չընդունելու փաստը` հայտնելով, որ դիվանագետները նախապես չէին համաձայնեցրել իրենց այցը Բենղազի:
Հաստատվել են նաև մարտի 6-ին «Առաջին լրատվական»-ի հայտնած այն տեղեկությունը, որ ընդդիմությունը գերևարել էր դիվանագետներին ուղեկցող բրիտանական հատուկջոկատայիններին, որոնք հետագայում ազատ են արձակվել և առաքելության հետ վերադարձել իրենց երկիր:
