Այսօր համաշխարհային տնտեսական ֆորումը հրապարակել է «Ճամփորդություն և զբոսաշրջություն. մրցունակություն 2011» զեկույցը,- տեղեկացնում է «Ազատություն» ռադիոկայանը:
Հայաստանը 139 երկրների ցանկում 90-րդ տեղում է, չնայած 2009 թ. զեկույցի համեմատ 1 աստիճանով վեր է բարձրացել:
Ցանկում Վրաստանը 73-րդ տեղում է, Ադրբեջանը` 83-րդ, Թուրքիան` 50-րդ, իսկ Իրանը` 114-րդ:
Եվրոպական 42 երկրների առանձին ցանկում Հայաստանը 40-րդն է և առաջ է միայն Բոսնիայից ու Մոլդովայից:
Յուրաքանչյուր երկրի ինդեքսը հաշվարկվում է՝ հաշվի առնելով երկրի օրենսդրությունը, շրջակա միջավայրի կայունությունը, ապահովությունը, առողջության և հիգիենայի պահպանությունը, ճամփորդական և զբոսաշրջության առաջնահերթությունները, տրանսպորտային ենթակառուցվածքները, գները, մարդկային և մշակութային հարստությունները: