Թուրքական Anadolu լրատվական գործակալության փոխանցմամբ՝ Թուրքիայի զինված ուժերի գլխավոր շտաբի պետ, բանակի գեներալ Նեջդեթ Օզելն անակնկալ այցով այցելել է Սիրիայի սահմանին կանգնած թուրքական զորամասերին:
Նախ Օզելն այցելել է Ադանա, ապա՝ Իսքենդերուն, այնուհետև այցելել է Հաթայ նահանգի Ալթընօզու շրջանում գտնվող թուրքական սահմանային պահակակետեր և տեղի հրամանատարների միջոցով ծանոթացել իրավիճակին: Նեջդեթ Օզելին ուղեկցել են ցամաքային զորքերի հրամանատար Հայրի Քըվրըքօղլուն և 2-րդ բանակի հրամանատար Գալիփ Մենդին:
Իրավիճակը տեղում զննելուց հետո Օզելն իր հրամանատարների հետ ուղղաթիռով մեկնել է Շանլըուրֆա (Ուրֆա):
