Երեկ Կահիրեում տեղի ունեցած բողոքի ակցիաներից հետո ցուցարարները գրոհով վերցրել են Գաղտնի ոստիկանության շենքը: Ցուցարարները պահանջել են, որպեսզի ազատ արձակվեն քաղաքական բանտարկյալները, որոնք մինչև հիմա գտնվում են բանտերում: Սա հեղափոխականների պահանջներից մեկն է, որը ժամանակավոր կառավարությունը չի շտապում իրականացնել: Այս մասին հաղորդում է RBC-ն` հղում կատարելով BBC-ին: Հայտնի է , որ շենքն այրվել է:
Ավելի վաղ նմանատիպ դեպքեր տեղի էր ունեցել Կահիրեից ոչ հեռու գտնվող Շեյխ Զայիդ քաղաքում, որտեղ բնակիչները գրոհով վերցրել էին Պետական անվտանգության շենքը: Իսկ նախօրեին Ալեքսանդրիայի ուրբաթօրյա աղոթքից հետո փողոց դուրս եկած ցուցարարները Կահիրեի ցուցարաների նույն պահանջներով շրջապատել էին Պետական անվտանգության շենքը: Այն բանից հետո, երբ ոստիկանները ռետինե փամփուշտներ և արցունքբեր գազ էին օգտագործել, ցուցարարները հարձակվել էին շենքի վրա` այրելով նրա մի քանի հարկեր: