Ղազախստանում դատարանը Վլադիմիր Կոզլովին`ականավոր ընդդիմադիր գործչին, դատապարտել է 7.5 տարվա ազատազրկման`կառավարությանը տապալելու փորձի համար, հաղորդում է BBC-ն:
Նա մեղավոր է ճանաչվել անցած տարի Ժանաոզեն քաղաքում ցույց անող նավթարդյունաբերության բանվորների շրջանում հակակառավարական տրամադրություններ բորբոքելու համար:
Այն ժամանակ ոստիկանությունը ցուցարարներին ցրելու համար կրակ էր բացել, ինչը հանգեցրել էր 14 մարդու մահվան:
Վլադիմիր Կոզլովը հերքել է իրեն ներկայացված մեղադրանքները և հայտարարել, որ իր դատավարությունը զանգվածային բողոքներն ու բանվորների իրավունքները ճնշելու փորձ է:
