ԼՂՀ նախկին փոխարտգործնախարար Մասիս Մայիլյանը «Առաջին լրատվականի» հետ զրույցում անդրադարձավ Հայ ազգային կոնգրեսի վերջին հանրահավաքում ընդունված հայտարարության դրույթին, որտեղ պահանջ է ներկայացվում ԼՂ-ին վերադարձնել բանակցային սեղան:
«Ինչ վերաբերում է բանակցությունների եռակողմ ֆորմատի վերականգնմանը (Լեռնային Ղարաբաղի մասնակցությամբ), ապա այդ մասին հիմա շատերն են խոսում` Հայաստանի ու Ղարաբաղի իշխանությունները, Մինսկի խումբը, փորձագետներ: Սակայն այդ ուղղությամբ գործնական քայլեր չեն իրականացվում: Հայաստանն ու Արցախը կիսում են բանակցությունների գործընթացին վերաբերող հայկական իրավասության հարցերը: Հայաստանը հրաժարվում է միջնորդների ու Ադրբեջանի հետ քննարկել Լեռնային Ղարաբաղի իրավասությանը վերաբերող հարցերը: Այդ դեպքում առաջանում է Ղարաբաղի ներկայացուցիչների հրավիրման հարցը»,- ասաց Մասիս Մայիլյանը: