Ռուսական առաջին հարյուր բանկերի մեջ մտնող «Մաստեր-Բանկը» աշխատանքի է հրավիրել ՌԴ վարչապետ Վլադիմիր Պուտինի հորեղբոր որդուն` Իգոր Պուտինին: Բանկում հայտարարել են, որ այս քայլով բանկը ցանկանում է մտնել լավագույն 50 բանկերի ցուցակը:
«Սեպտեմբերի 20-ից Իգոր Պուտինը մեզ մոտ անցել է աշխատանքի՝ որպես փոխնախագահ, որի պարտականությունների մեջ է մտնելու «Մաստեր-Բանկի» ռազմավարական զարգացման ծրագրի իրագործումը, եւ մենք վստահ ենք, որ նրան հրավիրելով` մենք դա կանենք ավելի արագ եւ հաջող»,- Reuters-ին ասել է բանկի խորհրդական Եգոր Ալտմանը:
Այս պահին բանկը գրավում է 59-րդ տեղը, իսկ բանկի ակտիվները կազմում են 59 մլրդ ռուբլի:
