Քրդական Rudaw լրատվական կայքի փոխանցմամբ՝ Թուրքիայում ահաբեկչական հռչակված ու արգելված Քրդստանի աշխատավորական կուսակցության (PKK) հիմնադիր, քուրդ առաջնորդ, 1999 թվականից Մարմարա ծովի Իմրալը կղզում ցմահ ազատազրկում կրող Աբդուլլահ Օջալանի եղբայր Օսման Օջալանը հայտարարել է, որ իր եղբայրը պատրաստ է բանակցություններ անցկացնելուն.
«PKK-ի հետ քրդական հարցի լուծման յուրաքանչյուր փորձ անօգուտ է՝ առանց PKK-ի առաջնորդի անմիջական մասնակցության: Եթե Աբդուլլահ Օջալանն ազատ արձակվի, ապա նա բարեփոխումներ կիրականացնի PKK-ում:
Նա PKK-ն կմաքրի մի շարք անձանցից, որոնք հանդես են գալիս պատերազմի օգտին, ինչպես որ թուրքական կառավարությունն է իր բանակը մաքրում որոշ սպաներից: Աբդուլլահ Օջալանը մշտապես հավատացել է խնդիրը քաղաքական մեթոդներով կարգավորելու հնարավորությանը»:
