Երևանի մաթեմատիկական մեքենաների գիտահետազոտական ինստիտուտը (Մերգելյանի ինստիտուտ), որտեղ մեկնարկել է «ԴիջիԹեք 2012-ը», վերածվել է ռազմական օբյեկտի:
Ներսում և դրսում վերահսկողություն են սահմանել Սերժ Սարգսյանի անվտանգության աշխատակիցները: Կառույցի դռների մոտ խմբված է ժողովուրդ, որոնք թույլ չեն տալիս ներս մտնել: Սերժ Սարգսյանը որոշել է «իր ներկայությամբ պատվել» ցուցահանդեսը: Դռների մոտ հավաքված մարդիկ պահանջում են կազմակերպիչներին կամ իրավասու անձանց բացատրություն տալ, սակայն ապարդյուն:
«Ումից ենք վախենում, ի՞նքն ա մեր երկրի տերը, թե՞ մենք։ Հետո էլ հավասար իրավունքների մասին են խոսում», «Չընտրված նախագահը վախենում է իր ժողովրդից, նույնիսկ երեխաներից».- վրդովված ասում են քաղաքացիները:
Նշենք, որ Սերժ Սարգսյանի մասնակցությունը «ԴիջիԹեք»-ին նախօրոք չէր հայտարարվել:
