Կոպենհագենի համալսարանը հետազոտություն է անցկացել և պարզել, որ նախկինում մալարիայի դեմ կիրառվող քլորոխին դեղամիջոցը կրկին կարող է օգտագործվել: Այս մասին հայտնում է Meddaily.ru-ն: Գիտնականների խոսքով՝ ոչ թանկ միջոցը իսկական փրկություն կդառնա աղքատ երկրների համար: Դրա արժեքը 4-օրյա բուժման կուրսի համար կազմում է 25 ցենտ:
Խնդիրը մալարիայի մակաբույծի հետ կայանում է նրանում, որ այն կարող է դիմադրություն մշակել բժշկական ժամանակակից մեթոդների դեմ՝ արտեմիզինին դեղամիջոցով թերապիայի դեմ:
Սենեգալում մակաբույծներին հետևելու արդյունքում հայտնի է դարձել, որ դրանք կրկին ընկրկում են քլորոխինից: Համանման իրավիճակ է Տանզանիայում, Մալավիում և Մոզամբիկում:
Փորձագետներն ուսումնասիրում են մակաբույծի զգայունակությունը՝ վերլուծելով նրա ԴՆԹ-ն: Քլորոխինը բարեհաջող կերպով կիրառվել է 50 տարվա ընթացքում: Ժամանակի ընթացքում սխալ կիրառման պատճառով մակաբույծը սովորել է դրան:
Հերթական անգամ դեղանյութին կիրառություն տալով՝ պետք է ուշադրություն դարձնել չափաբաժնին, մարդու մոտ մալարիայի դեմ բնական իմունիտետի զարգացման աստիճանին և դեղամիջոցի նկատմամբ մակաբույծի զգայունակությանը:
