Ոստիկանությունում ենթադրվում է, որ տղամարդը, որին մայրաքաղաքի հյուսիսում երկու ավտոմատով «ծակծկել» են «Ջիպ»-ում, պատվերով սպանություններով է զբաղվել, հաղորդում է lifenews.ru-ն:
45-ամյա Սերգեյ Բեգլարյանը, հետաքննության վարկածներից մեկի համաձայն, ապրելու համար գումար է վաստակել սպանությունների պատվերներ կատարելով:
Սերգեյի վարձով բնակարանում, որտեղ նա մենակ է ապրել և չի շփվել ոչ ոքի հետ, մի ամբողջ զինանոց է հայտնաբերվել` հրացաններ, դրանց համար պահեստային փամփուշտներ և մարտական նռնակ:
Ոստիկանների եզրակացությունը, որ Բեգլարյանը կապված է եղել հանցավոր դեմքերի հետ, հանգեցրել է այն մտքին, թե նա ինչպես է գործել սպանությունները: Հետախուզությանը մոտ աղբյուրը հայտնել է, որ այդ կրակոցը չափազանց ցուցադրական է եղել: Բացառված չէ, որ մարդասպանները զգուշացել են իրենց զոհից` իմանալով, որ նա կարող է զինված լինել:
Ներկայումս հետաքննությունը ճշտում է սպանվածի բոլոր կապերը:
Բեգլարյանի «Ջիպ»-ը հսկել են երկու վարձու մարդասպաններ (քիլլերներ), որոնք, հավանաբար, զինված են եղել ավտոմատներով: Life News-ի տրամադրության տակ կա սպանության տեսագրությունը, որը ներկայումս հետաքննում են հետախույզները:
Վիրավոր Բեգլարյանը փորձել է փախչել մարդասպաններից:
Սերգեյի դիակը հայտնաբերել են նրա «Ջիպի» սրահում` մի քանի րոպե անց այն բանից հետո, երբ լռել է նրա վրա բացված կրակահերթը:
Գործով հարուցվել է քրեական գործ՝ «Սպանություն» և «Զենքի անօրինական շրջանառություն» հոդվածներով:
Սպանության վայրում ոստիկանները հայտնաբերել են մոտ 100 պարկուճ:
