Իրանական ILNA լրատվական գործակալության փոխանցմամբ՝ այսօր առավոտյան Իրանում անհասանելի են դարձել մի շարք վեբ կայքեր, որոնք տվյալներ են հրապարակում արժույթի փոխարժեքի ու ոսկու գների մասին: Դրանց թվում է ընդգրկվել նաև իրանական Mazanex արժութային անկախ կայքը:
Վերջինս հաղորդագրություն է տարածել, որ կայքը մյուս կայքերի նման արգելափակվել է և չի թարմացվում: Նմանատիպ դժվարություններ են կրում նաև Meshghali (www.meshghali.com) կայքն ու Իրանական ոսկու, ոսկյա զարդերի ու ոսկեդրամների միութան (www.tgju.ir) կայքը: Իրանի իշխանությունները որևէ պաշտոնական հայտարարություն չեն արել այս կապակցությամբ:
