Грузия Online-ի փոխանցմամբ՝ Ֆրանսիան պատրաստ է աշխատել Վրաստանի այն կառավարության հետ, որը կձևավորվի հոկտեմբերի 1-ին այդ երկրում անցկացված խորհրդարանական ընտրություններից հետո: Այս մասին Փարիզում տեղի ունեցած մամուլի ասուլիսի ժամանակ հայտարարել է Ֆրանսիայի ԱԳՆ-ի մամլո-քարտուղար Ֆիլիպ Լալիոն.
«Մենք դեռ չենք ստացել ընտրությունների վերջնական արդյունքները, սակայն ակնհայտ է, որ խորհրդարանական ընտրությունները նշանակում են քաղաքական կյանքի շրջադարձ: Ամենայն հավանականությամբ, դրանք անցել են առանց լուրջ միջադեպերի և առաջին անգամ ընդդիմությանը հնարավորություն կտան ստեղծելու զգալի ուժ խորհրդարանում: Մենք կաշխատենք այն կառավարության հետ, որը կձևավորվի քվեարկության արդյունքների հրապարակումից հետո»:
