«Հայաստան» համահայկական հիմնադրամի կողմից նոյեմբերի 22-ին իրականացվող 11-րդ հեռուստամարաթոնին ընդառաջ՝ նոյեմբերի 17-ին Վանաձորի Շառլ Ազնավուրի անվան մշակույթի պալատում կկազմակերպվի «Լոռու մարզային մարաթոն դրամահավաք-2012» միջոցառումը, որի նպատակն է աջակցել Լեռնային Ղարաբաղի Հանրապետության գյուղական համայնքներում համայնքային կենտրոնների կառուցմանը: Անցյալ տարի նույն դրամահավաքի շրջանակներում Լոռիում հավաքագրվել է ընդհանուր առմամբ շուրջ 11 միլիոն դրամ:
«Լոռու դպրոց հիմնադրամի» տնօրեն Մայիս Խաչատրյանի խոսքերով`Լոռին հանրապետության այն եզակի մարզն է, որտեղ դրամահավաք է կազմակերպվում`հանրապետական մարաթոնից անկախ: Վերջինս, սակայն, նշեց մի շարք թերություններ դրամահավաքի կազմակերպման ժամանակ. քաղաքացիները չգիտեն` ինչի համար են հանգանակում իրենց գումարները. նրանց հետ բացատրական աշխատանք չի տարվում:Բացի այդ, նրա խոսքով, կարևոր է ոչ միայն վերջնական`նյութական արդյունքը, այլև մասնակցությունը, թե որքան մարդ է մասնակցում դրամահավաքին: «Ունենք այնպիսի մարդիկ, ովքեր կարող են 15 միլիոն էլ, 25 էլ վճարել և դրանով ավարտել ամեն ինչը: Ընդունելի չէ, եթե մեկը հանգանակում է 15 միլիոն, իսկ մնացածը անմասն են մնում»,-ասում է Մ. Խաչատրյանը:
Նրա ասելով`մարզի համայնքները մարաթոնին մասնակցում են`մեծ մասամբ սիմվոլիկ գումարներ վճարելով: Իսկ գյուղական համայնքներն ու բիզնես ոլորտը գրեթե չեն մասնակցում դրամահավաքին: Ըստ Մ. Խաչատրյանի` լավագույն մասնակիցը Վանաձոր քաղաքն է, որի բոլոր ենթակառուցվածքները`սկսած մանկապարտեզներից, «լավագույնմասնակցություն են ցուցաբերում, և նույնիսկ մանկապարտեզի երեխաների հետ միասին են գալիս մասնակցելու միջոցառմանը»:
Այս տարի դրամահավաքին ամբողջ մարզի մասնակցությունն ապահովելու համար Լոռու մարզպետի նախագահությամբ ստեղծված կազմկոմիտեն, որն արդեն սկսել է նախապաատրաստական աշխատանքները, նամակ-շրջաբերականներով դիմելու է մարզի բոլոր համայնքների ղեկավարներին, ֆիզիկական և իրավաբանական անձանց, բիզնես ոլորտի ներկայացուցիչներին`կոչանելովմասնակցել դրամահավաքին:
