Հարձակման է ենթարկվել Ֆրանցիսկյան Terra Santa մենաստանը, որը գտնվում է Հին քաղաքից ոչ հեռու:
Այսօր կրոնական հաստատության կայքում հայտնվել են մենաստանի դռան լուսանկարներ, որոնց վրա առկա է եբրայերենով գրություն:
Օրվա առաջին կեսին դռան վրայի գրություններն արդեն ջնջվել էին: Ոստիկանությունը հետաքննում է կատարվածը:
Ինչպես հաղորդում է Agence France-Press-ը, գրությունը, ամենայն հավանականությամբ, արմատականների ձեռքի գործն է: Նրանք այդ կերպ վրեժխնդիր են լինում հրեական բնակավայրերի տարհանման, ինչպես նաև պաղեստինցիների ահաբեկչությունների համար:
Անցած ամիս վանդալները այրել էին Լատրուն շրջանում քրիստոնեական մենաստանի դուռը ու թողել վիրավորական արտահայտություններ:
