Սիրիայի հեղափոխության գերագույն կոմիտեն Հալեպ քաղաքի ապստամբներին մեղադրել է քաղաքի պատմական հատվածում հնագույն շուկայի ոչնչացման մեջ, որը համարում էր ՅՈՒՆԵՍԿՕ-ի համաշխարհային ժառանգության օբյեկտ:
Ինչպես հաղորդում է Al-Jazeera-ն, կոմիտեի անանուն ներկայացուցիչը հայտարարել է, որ «Հալեպի ապստամբները վերածվել են ավազակախմբի, որոնք չարագործություններ են իրականացնում և իրենց բազաների համար ընտրում են խիտ բնակեցված թաղամասեր»:
Ընդդիմադիրը նշել է, որ «Հալեպի ապստամբները որևէ կապ չունեն Սիրիայի ազատ բանակի հետ»:
Հիշեցնենք, Հալեպում կատաղի մարտերը շարունակվում են: Օրերս հաղորդվում էր, որ հրդեհի հետևանքով ոչնչացվել են մի քանի միջնադարյան շուկաներ: Մասնավորապես, Հին քաղաքի տարածքում գտնվող շուկայում ուրբաթ հրդեհ է բռնկվել, որը չի հաջողվել մարել ավելի քան մեկ օր: Հրդեհի պատճառը եղել է փոխհրաձգությունը, որի ընթացքում կիրառվել են ականանետեր և հրազեն:
