Մեքսիկայի հարավային Չյապաս նահանգում զանգվածային ցույցերի մասնակիցները ազատ են արձակել ավելի քան 70 բանտարկյալի, նաև այրել են վարչության շենքն ու մշակույթի պալատը, հայտնում են տեղի իշխանությունները, փոխացում է rosbalt.ru կայքը:
Բողոքողները դժգոհ են եղել տեղի իշխանությունների ընտրության արդյունքների հարցում դատարանի վճռից: Սկզբում ընտրություններում հաղթել էր «Ժողովրդավարական հեղափոխություն կուսակցություն» ձախ ուժը, սակայն ձայների վերահաշվարկից հետո դաշնային ընտրական դատարանը հաղթող ճանաչեց նրա հակառակորդին` «Կանաչների էկոլոգիական կուսակցությանը»:
Ձախ ուժի թեկնածուի կողմնակիցները դուրս են եկել ցույցի, ինչի հետևանքով 30 ցուցարար է ձերբակալվել:
Ոստիկանության հաղորդմամբ` ազատ արձակված բանտարկյալներից շատերն անմիջապես ավտոմեքենաներ են առևանգել, որպեսզի դրանցով փախչեն նահանգի տարածքից: Առայժմ իշխանություններին հաջողվել է գտնել փախած բանտարկյալներից միայն 24-ին:
Ավելացնենք, որ սա վերջին մի քանի շաբաթում երկրորդ խոշոր փախուստն է Մեքսիկայի բանտերից. նոյեմբերի կեսին Մեքսիկայի Պիեդրաս-Նեգրաս քաղաքի բանտից 131 բանտարկյալ էր փախել: Առայժմ իշխանություններին հաջողվել է բռնել նրանցից 16-ին:
