Գործարար Միխայիլ Բաղդասարովը, որ վերջերս հայտարարեց, թե վաճառում է «Արմավիա» ընկերությունը, նախանձելի վիճակում չէ: Մարտ ամսից վաճառքի հանված «Միկացեմենտ»-ը որևէ կերպ չի վաճառվում, իսկ բիզնեսն էլ`որպես այդպիսին, չի ստացվում:
«Ժոդովուրդ»-ի տեղեկություններով` Սերժ Սարգսյանն այս անգամ Բաղդասարովին ասել է, որ այլևս աջակցություն չի ստանա իր կողմից, քանի որ բիզնեսի բոլոր ճյուղերը տապալել է, անգամ բենզինի ներկրման գործընթացը: Ըստ ամենայնի, հենց Սարգսյանի հրահանգով է մինչ օրս «Միկացեմենտ»-ը շրջանցել էլեկտրաէներգիայի, գազի, ջրի և այլ սպպսարկման վճարումները: Ու թեև «Արմավիա»-ից շարունակում են ինտենսիվորեն հերքել լուրերը, այնուամենայնիվ եթե նախկինում Մ. Բադդասարովի «թիկունքը» Սերժ Սարգսյանն էր, ապա այժմ այդպես չէ. նա անգամ Բաղդասարովի բացատրությունները չի ցանկանում լսել:
