2012թ. սեպտեմբերին օգոստոսի համեմատ հանրապետությունում արձանագրվել է պարենային ապրանքների 1.1% գնաճ, ինչը մեծապես պայմանավորվել է կենդանական և բուսական յուղերի, հացամթերքի, բանջարեղենի և կարտոֆիլի ապրանքախմբերի 1.5-10.7% գնաճով: Ազգային վիճակագրական ծառայության կողմից դիտարկվող պարենային 13 ապրանքախմբերից 9-ում նշված ժամանակահատվածում գրանցվել է 0.2-10.7% գնաճ, 3-ում`4.0-0.1% գնանկում, իսկ մեկում գների մակարդակը նախորդ ամսվա համեմատ մնացել է անփոփոխ:
Բանջարեղենի և կարտոֆիլի ապրանքախմբում 2012թ. սեպտեմբերին 2011թ. սեպտեմբերի համեմատ արձանագրվել է 9.7% գնանկում, իսկ 2012թ. օգոստոսի համեմատ` 10.7% գնաճ: Վերջինս հիմնականում լոլիկի` 17.9%, կարտոֆիլի` 19.1%, կանաչ պղպեղի` 29.6%, կանաչ սոխի` 34.7%, կանաչ լոբու` 48.2%, կաղամբի` 54.3%, սմբուկի` 86.2% գնաճի արդյունք է: 2012թ. սեպտեմբերին օգոստոսի համեմատ վարունգի գինը աճել է 5.8%-ով, խառը կանաչեղենինը` 6.8%-ով: Միաժամանակ, հանրապետությունում արձանագրվել է ծաղկակաղամբի` 23.3%, գազարի` 22.8%, գլուխ սոխի` 14.4%, սխտորի`9.8%, ճակնդեղի` 4.7% գնանկում:
2012թ. սեպտեմբերին 2011թ. սեպտեմբերի համեմատ հացամթերքի ապրանքախմբում արձանագրվել է 7.1%, իսկ 2012թ. օգոստոսի համեմատ`1.6% գնաճ: Վերջինս մեծապես պայմանավորվել է ոսպի`3.1%, բրնձի`3.2%, հնդկացորենի` 3.6%, սիսեռի` 3.9%, ձավարի` 4.2%, հացահատիկի` 6.4% գնաճով: 2012թ. սեպտեմբերին օգոստոսի համեմատ հաճարի գինն աճել է 0.8%-ով, սպիտակաձավարինը` 0.8%-ով, մակարոնեղենինը` 1.3%-ով, լոբունը` 1.5%-ով: 2012թ. սեպտեմբերին օգոստոսի համեմատ բարձր տեսակի ալյուրի գինն աճել է 1.7%-ով, առաջին տեսակի ալյուրինը`1.0%-ով, բարձր տեսակի հացինը`1.4%-ով, առաջին տեսակի հացինը` 1.5%-ով, լավաշինը` 0.8%-ով: Հանրապետության դիտարկված բոլոր քաղաքներում 2012թ. սեպտեմբերին օգոստոսի համեմատ արձանագրվել է հացամթերքի 0.6-2.5% գնաճ, այդ թվում, գնաճի ամենաբարձր ցուցանիշն արձանագրվել է Վանաձորում: Մայրաքաղաքում հացամթերքի գներն աճել են 1.6 %-ով:
Կենդանական և բուսական յուղերի ապրանքախմբում 2012թ. սեպտեմբերին 2011թ. սեպտեմբերի համեմատ արձանագրվել է 0.5% գնանկում, իսկ 2012թ. օգոստոսի համեմատ`1.5% գնաճ: Վերջինս հիմնականում պայմանավորվել է արևածաղկի բուսական յուղի`1.9%, կարագի`2.1% գնաճով: Մարգարինի և այլ յուղերի (հալած յուղի) գները նշված ժամանակահատվածում աճել են 0.7%-ով:
2012թ. սեպտեմբերին 2011թ. սեպտեմբերի համեմատ ձվի հանրապետական միջին գինը նվազել է 6.2%-ով, իսկ 2012թ. օգոստոսի համեմատ`գրանցվել է 1.0% գնաճ:
2012թ. սեպտեմբերին օգոստոսի համեմատ հանրապետությունում արձանագրվել է շաքարավազի` 0.2%, սուրճի, թեյի, կակաոյի` 0.2%, հրուշակեղենի` 0.2%, ոչ ոգելից խմիչքի` 0.2%, կաթնամթերքի 0.4% գնաճ:
Մրգի ապրանքախմբում 2012թ. սեպտեմբերին 2011թ. սեպտեմբերի համեմատ արձանագրվել է 13.2%, իսկ 2012թ. օգոստոսի համեմատ`4.0% գնանկում:
Մսամթերքի ապրանքախմբում 2012թ. սեպտեմբերին 2011թ. սեպտեմբերի համեմատ գրանցվել է 3.5% գնաճ, իսկ 2012թ. օգոստոսի համեմատ`0.1% գնանկում: 2012թ. սեպտեմբերին օգոստոսի համեմատ հանրապետությունում արձանագրվել է ոչխարի, տավարի և խոզի մսերի` համապատասխանաբար 3.8%, 1.1% և 0.9% գնանկում: Միաժամանակ, թռչնի մսի գինն աճել է 1.1%-ով, հավի բդինը` 1.6%-ով, խոզապուխտինը` 1.9%-ով, բաստուրմայինը`4.4%-ով:
