Ամերիկյան հանրահայտ երգչուհի Բեյոնսեն հայտարարել է, որ բարեգործության է տրամադրել բոլոր այն գումարները, որոնք նա ստացել է Քադաֆիների կազմակերպած համերգին մասնակցելու համար համար: Այս մասին հաղորդում է Billboard-ը:
Տեղեկություններ կան, որ 2010 թ. Բեյոնսեն Աշերի հետ մեկտեղ Կարիբյան ծովի Սենտ Բարթսի կղզում մասնակցել է ամանորյա միջոցառման և հինգ երգ կատարելու համար Քադաֆիի որդուց` Հանիբալից, ստացել է մոտ մեկ միլիոն դոլար: Երեկ Բեյոնսեի ներկայացուցիչները հայտնել են, որ այդ գումարը տրամադրել են բարեգործության, քանի որ պարզվել է, որ այդ համերգի հովանավորները Քադաֆիի ներկայացուցիչներն են: Ընդ որում, դա արել են դեռ մեկ տարի առաջ:
Կայքը հայտնում է, որ մյուս դերասանները նույնպես կա՛մ դիմել են այդ քայլին, կա՛մ պատրաստվում են դա անել:
