Հարց – Կա՞ արդյոք, հակամարտությունների կարգավորման բանաձև և ինչպիսին եք տեսնում ղարաբաղյան հակամարտության կարգավորումը:
Պատասխան – Ցավոք, Եվրամիության արևելյան հարևանների կարգավորման համար ստանդարտ բանաձև կամ բոլորին հարմար տարբերակ չկա: Դրանց ընդհանրություններն այն են, որ դրանք առաջացել են Խորհրդային Միության փլուզումից հետո, քիչ թե շատ կապված են Ռուսաստանի հետ և դրանց առաջացման տարածաշրջանները ժամանակին անհրաժեշտ խորության գորխծակցություն չեն ունեցել Եվրամիության հետ:
Սակայն վերջին շրջանում Եվրամիությունը ավելի է ընդգծել իր դերը Մերձդնեստրում և Վրաստանի տարածքի հակամարտություններում, սակայն նույնը չի կարելի ասել ղարաբաղի մասին, որը ,լինելով նշված հակամարտություններից ամենավտանգավորը, որոշակիորեն անտեսվել է Եվրամիության կողմից: ԵՄ-ն կարգավորումը թողել է Մինսկի խմբին, սակայն այս մոտեցումը պետք է փոխվի: ԵՄ-ն պետք է տեղեկացված լինի բանակցային գործընթացի մասին: Ֆրանսիացիներն այս առումով շատ ժլատ են:
ԵՄ-ն պետք է ճնշում գործադրի բանակցային գործընթացում իր դերը բարձրացնելու համար, քանի որ եթե հակամարտությունը «պայթի» , ապա միացյալ Եվրոպան պետք է հաղթահարի դրա հետևանքները:
Եվրամիությունը չի կարող լուծել հակամարտությունը, դա կարող են անել միայն Հայաստանի և Ադրբեջանի ղեկավարները: Միևնույն ժամանակ եվրոպական արտաքին քաղաքական նոր ծառայությունը հնարավորություն է տալիս Հարավային Կովկասի մասին նոր ռազմավարություն մծակել ու և բարձրացնել իր դերը Ղարաբաղում:
Ֆրանսիան պետք է Մինսկի խմբի իր տեղը զիջի ԵՄ-ին, չնայած որ այդ գաղափարը դուր չի գալիս Փարիզին ու Երևանին:
Բացի այդ, ավարտվել է ԵՄ Կովկասում հատուկ ներկայացուցիչ Փիթեր Սեմնեբիի մանդատը, և հայտնի չէ, թե ինչ է տեղի ունենալու դրանից հետո: Եվրամիությունը պետք է ցույց տա որ բարձրացնելու է իր դերը Հարավային Կովկասում:
Հարց – Եվրամիությունը Հարավային Կովկասին վերաբերող միասնական ռազմավարություն ունի՞: Կարո՞ղ է կրոնական գործոնն այդ դեպքում նշանակություն ունենալ:
Պատասխան – Եվրամիությունը միասնական ռազմավարություն չունի: Անդամ երկրները տարածաշրջանի ընդհանուր կարծիք չունեն, իսկ կրոնն այն տարրը չէ, որ պետք է կիրառվի:
Հարց – Կարո՞ղ է Ադրբեջանը դառնալ ԵՄ անդամ: Թուրքիայի օրինակը ցույց է տալիս, որ դա հեշտ չէ:
Պատասխան – Անհնարին ոչինչ չկա: Մինչ այժմ Բաքուն հայտարարել է, որ ցանկանում է համագործակցել և ինտեգրվել Եվրամիությանը, սակայն այդ կառույցի անդամ դառնալու ցանկություն չի նշվել:
Իհարկե, ինչ-որ մի օր Ադրբեջանը կարող է դառնալ Եմ անդամ, սակայն դրա համար երկար տարիներ են անհրաժեշտ, եթե դա ընդհանրապես հնարավոր է:
Հարց – Ի՞նչ նշանակություն ունի Կովկասը Եվրոպայի ու եվրոպական կառույցների համար:
Պատասխան – Առաջին հերթին կովկասյան իրադարձությունները ազդում են Եվրոպայի կայունության վրա, ինչպես դա եղավ 2008-ի ռուս-վրացական պատերազմի ժամանակ:
Երկրորդը Եվրամիության էներգետիկ անվտանգությունն է: Կասպյան ավազանի էներգառեսուրսները չափազանց կարևոր են եվրոպական էներգետիկ շուկան դիվերսիֆիկացնելու հարցում:
