Իրաքի Թիկրիտ քաղաքի բանտում տեղի ունեցած բախման ժամանակ սպանվել է առնվազն 10 ոստիկան և 5 բանտարկյալ:
Ինչպես հաղորդում է «Ազատություն» ռադիոկայանի ռուսական ծառայությունը, ուրբաթ օրվա գիշերը բանտի վրա հարձակում են գործել գրոհայինները, որոնց օգնությամբ փախուստի են դիմել ավելի քան 80 դատապարտյալ: Ավելի վաղ «Ալ-Քաիդա»-ի հետ կապված «Իրաքի իսլամական պետություն» խմբավորումը սպառնալիքներ էր հնչեցրել արդարադատության մարմինների աշխատակիցների ՝ դատավորների և դատախազների հասցեին՝ նշելով, որ իրենք կօգնեն, որպեսզի բանտերից հնարավորինս շատ բանտարկյալներ փախչեն:
Հուլիսին իսլամիստները հայտարարել էին, որ Իրաքում սկսվում է «նոր արշավ կորցրած տարածքների վրա վերահսկողությունը վերականգնելու ուղղությամբ»:
