«Լաբորատորիա 1918» ուսանողական կազմակերպությունը մինչև խորհրդարանական ընտրությունները`հոկտեմբերի մեկը, դադարեցնում է բողոքի ակցիաները և ցույցերը: Այս մասին լրագրողներին հայտնել է կազմակերպության անդամ Լեվան Աբաշիձեն:
Նրա խոսքերով՝ այդ որոշումը կայացվել է այն նպատակով, որ «ամբողջ Վրաստանը ընտրություններին մասնակցի խաղաղ մթնոլորտում»:
«Մենք դադարեցնում ենք բողոքի ցույցերը, երթերը, փողոցների փակելը և նմանատիպ ակցիաները, չնայած պահում ենք բողոքի տրամդրությունը: Մենք դա կարող ենք առավել կրեատիվ անկյունից ներկայացնել: Ասենք, դա կարող է համերգ լինել, թատերական ներկայացում կամ մեկ այլ բան»,- ասել է Աբաշիձեն:
Նա նաև նշել է, որ ամենայն հավանականությամբ «Լաբորատորիա 1918-ը» դուրս կգա Ուսանողական համակարգող խորհրդից, քանի որ խորհուրդը պատրաստվում է շարունակել բողոքի ակցիաները:
