Հունաստանում մանկավարժներին և աշակերտներին արգելվել է ուսումնական հաստատությունների ներսում օգտվել բջջային հեռախոսներից: Կրթության նախարարությունն արգելքը սահմանել է այն բանից հետո, երբ ոստիկանության ձեռքում երկրի հյուսիսի դպրոցներից մեկի ուսուցչի կողմից հեռախոսով արված անպարկեշտ տեսագրություններ են հայտնվել: Այս մասին տեղեկացնում է rosbalt.ru-ն:
Իրենց մոտ հեռախոսներ ունենալու դեպքում ուսուցիչներին կպատժեն այնպես, ինչպես կարգուկանոնը խախտելու ցանկացած դեպքի ժամանակ, իսկ ահա աշակերտների պարագայում, նկատողությունից բացի, կվերցնեն նրանց հեռախոսներն ու ծնող կկանչեն: Որոշ դեպքերում նրանք անգամ կարող են հեռացվել դպրոցից:
