Պաղեստինի հասարաական գործերով նախաարար, ՖԱԹՀ-ի բարձրաստիճան պաշտնյա Հուսեյն Ալ-Շեյխը կասկածվում է սեքսուալ բնույթի հանցագործության մեջ: Կառավարության անդամը զբաղեցնում է Իսրայելի հետ կապերի հանձնաժողովի նախագահի պաշտոնը:
Իսրայելական Kursor-ի հաղորդմամբ՝ նա «շատ լավ հարաբերությունների մեջ է եղել իսրայելական կողմի ներկայացուցիչների հետ և կարևոր գործառույթ էր իրականացնում Պաղեստինի և Իսրայելի ղեկավարների միջև կապի ապահովման հարցում»:
Պաշտոնյայի գրասենյակի աշխատակցուհիներից մեկը նրան մեղադրել է իր նկատմամբ ոտնձգություններ իրականացնելու մեջ: Այնուհետև կնոջ ամուսինը պաշտոնական դիմում է ներկայացրել ոստիկանություն՝ պահանջելով ստուգել իր կնոջ ներկայացրած փաստերը: Ալ-Շեյխի դեմ հարուցվել է քրեական գործ:
Նախկինում Ալ-Շեյխը մեղադրվում էր անչափահասի հետ սեռական կապ ունենալու մեջ: Այն ժամանակ, ինչպես և այժմ, նա հայտարարում էր, որ դա իր դեմ մշակված արշավ է, որը նպատակ ունի իրեն վարկաբեկել:
