ՀՀ նախկին վարչապետ, ԱԺ Հայ ազգային կոնգրես խմբակցության անդամ Հրանտ Բագրատյանը պատրաստվում է ԱԺ ներկայացնել մի օրենքի նախագիծ, որի ընդունման դեպքում կենսաթոշակների չափը պայմանավորված կլինի միջին աշխատավարձի չափով: Բագրատյանը «Հայկական ժամանակ»-ի թղթակցին ասել է, որ նախագիծը քննարկվել է ՀԱԿ խմբակցությունում, հավանության է արժանացել և առաջիկա օրերին պաշտոնապես շրջանառության մեջ կդրվի: Այս նախագծով նա առաջարկում է, 2013-ից սկսած, 1-ին տարվա համար նվազագույն կենսաթոշակը սահմանել ամսական աշխատավարձի 30 տոկոսի չափով:
Ըստ պաշտոնական վիճակագրության` միջին ամսական աշխատավարձը ՀՀ-ում 120 հազար դրամից մի քիչ ավելի է: Այսինքն, այս տարբերակով` կենսաթոշակը 36 հազար դրամից պակաս չպետք է լինի: Հետագայում կենսաթոշակի և միջին աշխատավարձի հարաբերակցության գործակիցը տարեցտարի պետք է ավելանա և հասնի միջին ամսական աշխատավարձի 38 տոկոսին: Ներկայում նվազագույն կենսաթոշակը 13 հազար դրամ է, որը, Բագրատյանի առաջարկած տարբերակով, առնվազն կեռապատկվի, տարեցտարի կաճի նաև` ըստ միջին ամսական աշխատավարձի բարձրացման:
