2010թ. դեկտեմբերին ՀՀ-ում անվանական միջին ամսական աշխատավարձը կազմել է մոտ 137 հազար դրամ` նոյեմբերի 108 հազար փոխարեն: Սա երևում է Ազգային վիճակագրական ծառայության վերջին հրապարակումից:
Նշենք, որ ամեն տարի էլ անվանական միջին աշխատավարձի չափը դեկտեմբերին աճում է` պայմանավորված պարգևավճարների վճարմամբ: Ինչպես միշտ, այս անգամ ևս ամենաբարձրը ֆինանսական և ապահովագրական ոլորտում է եղել` դեկտեմբերին 494 հազար դրամ:
Իսկ ամենացածր միջին աշխատավարձը մշակույթի և զվարճությունների ոլորտում է եղել` մոտ 69 հազար դրամ:
