Այն, որ ԱԺ նախագահը չի տիրապետում ՀՀ օրենսդրությանը, այդ թվում` ԱԺ կանոնակարգին, հասկանալի էր վաղուց, բայց որ նույն վիճակում է գրեթե ողջ ԱԺ-ն, առնվազն, մտահոգիչ է:
Ինչպես տեղեկացրել ենք, Վարչական դատարան հայցադիմում ենք ներկայացրել ԱԺ նախագահի կողմից ԱԺ Կանոնակարգի 97-րդ հոդվածի 8-րդ կետի պահանջների խախտման, այն է` ՄԻՊ Ա.Հարությունյանի հրաժարականի մասին դիմումը ԱԺ քննարկմանը չներկայացնելու և գաղտնի քվեարկություն չկազմակերպելու մասին:
Այսինքն` այսօր ՄԻՊ զբաղեցված պաշտոնին առաջադրվել և քննարկվում է նոր
թեկնածություն, որը նաև, ավելի քան ակնհայտորեն, չի համապատասխանում «հասարակության մեջ բարձր հեղինակություն վայելող անձ» սահմանադրական պահանջին:
Շեշտում ենք` սահմանադրական:
Այդ կապակցությամբ, այսօր, Վարչական դատարան հայցադիմում ենք ներկայացրել նաև ՄԻՊ ապօրինի ընտրությունների մասնակից /աջակից/ ԲՀԿ, ՀՀԿ, ՀՅԴԿ, ՕԵԿ ԱԺ խմբակցությունների դեմ:
Մնում է միայն գուշակել, թե, ՀՀ օրենդրության պահանջներն արհամարհող /չիմացող/ այս նոր «բարձր հեղինակությունը», ինչպես պետք է պաշտպանի մեր իրավունքները` որպես ՄԻՊ: