Այսօր լրանում է Խորհրդային Միության վերջին ղեկավար Միխայիլ Գորբաչովի 80-ամյակը:
Vesti.ru-ի փոխանցմամբ, Գորբաչովը հոբելյանը նշելու է հայրենիքում. «Դա կլինի անձնական, ընտանեկան և ընկերական հանդիսություն Մոսկվայում, որին հրավիրել եմ ոչ միայն ընկերներիս, այլ նաև պետության առաջին դեմքերին: Բոլոր ղեկավարներին հրավիրել եմ»,- ասել է Գորբաչովը: Հանդիսությանը ընդհանուր առմամբ մոտ 300 հյուր է հրավիրված:
«Հույս ունեմ, որ հոբելյանս չի անցնի առանց հումորի և հնարավորություն կտա հանդիպել մարդկանց, ովքեր շատ երկար չեն հանդիպել»,- ասել է ԽՍՀՄ նախկին նախագահը:
Նա արդեն ստացել է առաջին նվերները, մասնավորապես նրա հայրենի գյուղի թերթի այսօրվա համարը ամբողջությամբ նվիրված է Գորբաչովին:
Իսկ մարտի 30-ին Լոնդոնում տեղի է ունենալու մեծ համերգ` Gorby 80, որին ներկա են լինելու աշխարհի քաղաքական վերնախավն ու շոու-բիզնեսի աստղեր: