2012 թվականի սկզբից Ռուսաստանը Մոնղոլիային է մատակարարել ռուսական զինված ուժերի կազմից ռազմական տեխնիկայի և սպառազինության խոշոր խմբաքանակ: Այս մասին հաղորդում է bmpd ռազմական բլոգը:
Մասնավորապես, մոնղոլական կողմին են տրամադրվել Т-72А տեսակի 50 հիմնական մարտական տանկեր, 40 արդիականացված БТР-70М զրահափոխադրիչներ և «Ուրալ» ավտոմեքենաներ: Տանկային տեխնիկան, ենթադրաբար, կապիտալ վերանորոգման է ենթարկվել:
Ռազմական տեխնիկայի մատակարարումն իրականացվում է պայմանագրերի փաթեթի շրջանակում, որը կնքվել է Ռուսաստանի և Մոնղոլիայի միջև 2009-2010 թթ.:
