Այսօր ԱԺ հայտարարությունների ժամին հանդես եկան 17 պատգամավորներ:
Վահան Հովհաննիսյանը ելույթի ընթացքում կրկին անդրադարձավ գազի մատակարարման հանձնաժողովի ստեղծմանը և նկատեց, որ ԱԺ նախագահի հետ համաձայնության են եկել, որ այս տնտեսական հանձնաժողովի շուրջ լսումները շարունակվեն:
ԱԺ պատգամավոր Բագրատ Սարգսյանը նկատեց, որ ՀՀ անկախացումից հետո չի մշակվել որևէ պատմական հստակ հայցակարգ: Այսօր սկսվում է պատմական նախընտրական ժանրը, և առաջարկեց ստեղծել ՀՀ նախագահին կից ՀՀ պատմության նենգափոխման դեմ ուղղված հանձնաժողով:
Պատգամավոր Արա Սիմոնյանը նկատեց, որ 7 տարի առաջ իրենց տներից վտարված քաղաքացիները մինչ օրս փոխհատուցում չեն ստացել` թե՛ բնակարանի տեսքով, թե՛ փողի, և նկատեց, որ բնակիչներին պարտք են տվյալ անհատները, սակայն արդյունքում այնպես է ստացվում, որ բնակիչները իրենց դժգոհությունն ուղղում են երկրի ղեկավարությանը` հենց Սերժ Սարգսյանին, հետևաբար կոչ արեց, որ տվյալ անհատները բնակիչներին համարժեք փոխհատուցում տան, հակառակ դեպքում նրանք խաղում են Սերժ Սարգսյանի անվան հետ:
