Վրաստանի պատժի իրականացման, ստուգման և իրավական օգնության նախարար Գիորգի Տուգուշին այսօր այդ պաշտոնում առաջին մամուլի ասուլիսն է անցկացրել:
Նախարարը լրագրողներին տեղեկացրել է այն փոփոխությունների հետ, որոնք նախատեսվում է անցկացնել համակարգում: Նա նշել է, որ առաջնային խնդիրը կլինի խոշտանգումների և անմարդկային վերաբերմունքի բոլոր զոհերի անձը պարզելը: Ինչպես հաղորդում է Gruzia Online-ը, նրա խոսքերով՝ կանցկացվեն լիարժեք բարեփոխումներ:
Նախարարը նշել է, որ կբարելավվի նաև բանտարկյալների կենցաղը: Մասնավորապես, նախատեսվում է գնել 1600 ներքնակ: Ապագայում, նրա խոսքերով, կստեղծվի հասարակական խորհուրդ, բարեփոխումներ կկատարվի առողջապահության ոլորտում: Ծրագրվում է նաև ներում շնորհել թեթև հանցագործություն կատարած դատապարտյալներին:
Նա նշել է, որ ուղղիչ հաստատություններում ժամանակակից էլետրոնային համակարգեր կներմուծվեն, կկարգավորվի նաև հանդիպումների գրանցման հարցը:
«Արմատական կադրային փոփոխություններ այս փուլում չեն իրականացվի, սակայն անարժան աշխատակիցների մեծ մասը, ում հաջողվել է բացահայտել այս պահին, արդեն հեռացվել են»,- ասել է նախարարը:
