Այսօր ամբողջ օրը մենք տեղեկություններ էինք ստանում, որ ոստիկանությունը զինված է դուրս եկել Երևանի կենտրոն` նախապատրաստվելով Հայ ազգային կոնգրեսի կողմից հրահվիրված հանրահավաքին:
Մի քանի այսպիսի աղբյուրներ ստուգելով` պարզվել է, որ այս հնարքը կիրառում են ՊՊԾ ծառայության աշխատակիցները և հատկապես «կարմիրբերետավորները»: Ռոբերտ Մելքոնյանի` «Բազազի» ենթակայության տակ գտնվող այս ստորաբաժանումները այս քայլով փորձում են հետ պահել մարդկանց հանրահավաքին մասնակցելուց:
Հիշեցնենք նաև, որ արդեն մի քանի շաբաթ է, ոստիկանությունն ու այլ իրավապահ մարմիններ ահաբեկում են ՀԱԿ անդամներին և կողմնակիցներին` հանրահավաքին չմասնակցելու համար: