«Կա՛մ մերոնք միտինգավոր չեն, կա՛մ էլ Սյունիքը ընդդիմությանը չի հետաքրքրում»,-նման կարծիքի են սյունեցի ավտովարորդները, ովքեր Կապան-Երևան ուղերթի վրա են աշխատում։
Մարտի 1-ին մարզկենտրոնից մայրաքաղաք մեկնող մեքենաներն ու երթուղային տաքսիները չվացուցակով նախատեսված ժամերին դուրս են եկել։
Մարզի ոստիկանները միջպետական ճանապարհին մեքենաները չեն կանգնեցնում։ «Այլ բան է, որ Արարատի մարզում կարող է՝ կանգնեցնեն ու ստուգեն, մի կես ժամ խլեն։ Նման դեպքեր հանրահավաքի օրերին արձանագրվել են»,- ասում են վարորդները։
