«Յուվենթուս»-ի գլխավոր մարզչի պաշտոնակատար Մասիմո Կարերան «Չելսի»-ի դեմ խաղից հետո խոսել է Օսկարի երկրորդ գոլի մասին՝ վերլուծելով նաև հանդիպումը:
««Չելսի»-ի երկրորդ գոլն արվեստի գործ էր: Մենք ամեն ինչ լավ արեցինք: Մեր ֆուտբոլիստները ֆիզիկական լավ վիճակում են: Սա օգնեց մեզ փրկել խաղը:
Վիդալն արտացոլում է թիմի ոգին: Նա վնասվածք ստացավ, և մենք որոշել էինք փոխարինել նրան: Սակայն ֆուտբոլիստն ասաց, որ պատրաստ է վերադառնալ խաղադաշտ: Մտավ ու գոլ խփեց: Դրանով նա ցույց տվեց իր կամքի ուժը:
Պարտվում էինք 0:2 հաշվով, սակայն չհանձնվեցինք: Իհարկե մենք գիտենք, որ ունենք թույլ կողմեր: Մենք կարող էինք թե´ պարտվել, թե´ հաղթել: Սակայն, որ ամենակարևորն է, ցույց տվեցինք երկրպագուներին, որ կարող ենք պայքարել եվրոպական ֆուտբոլի ասպարեզում, և դրա առթիվ ես ուրախ եմ»,- ՈւԵՖԱ-ի պաշտոնական կայքի փոխանցմամբ՝ ասել է Կարերան:
