Gartner Research ընկերության վերլուծաբանները զգուշացրել էն, որ 2014 թվականի ավարտին սոցիալական կայքերի էջերում ապրանքների և ծառայությունների 10-15%-ը կեղծ կլինի, որոնք վճարված կլինեն գովազդատուների կողմից, հաղորդում է “Открытые системы”-ն:
Այժմ շատ մարկետինգային ֆիրմաներ դրական արձագանքների համար գումարներ են վճարում: Ընկերությունները հույս ունեն կայքերի այցելուների հետաքրքրությունը գրավել և դրանով իսկ մեծացնել առևտուրը և հաճախորդների լոյալությունը:
Գովազդատուների հաշվարկը կայանում է նրանում, որ համացանցի օգտատերերը ավելի շատ հավատում են այն ապրանքանիշներին, եթե տեսնում են իրենց ծանոթ կամ անծանոթ մարդկանց դրական արձագանքները: Ֆորումում ինչ-որ մարդու կարծիքը շատ ավելի արժեքավոր է լինում, քան պրոֆեսիոնալ փորձագիտական կարծիքը, չհաշված ստանդարտ գովազդային հայտարարությունը:
Մոտ ապագայում առնվազն երկու ընկերություն Fortune 500 ցուցակից կհայտնվեն ԱՄՆ առևտրի դաշնային հանձնաժողովում՝ սոցիալական ցանցերում տարած անազնիվ խաղի համար, ենթադրում են վերլուծաբանները:
