Սիրիացի զինվորականները թույլ չեն տվել ապստամբներին գրավել Թուրքիայի հետ սահմանային Թել-Աբյադ հսկիչ անցակետը: Այս մասին հաղորդում է ITAR-TASS-ը` հղոււմ անելով «Լյուբնան Ալ-Էն» լրատվական գործակալությանը:
Կառավարական ուժերի և ապստամբների միջև կատաղի մարտեր են ընթացել Ռաքքա քաղաքից 100 կմ հյուսիս: Ավելի վաղ տեղեկություններ էին ստացվել այն մասին, որ Սիրիայի կանոնավոր բանակի մի խումբ զինվորներ անցել են ապստամբական Սիրիայի ազատ բանակի շարքերը: Դամասկոսի ռազմական աղբյուրներն այդ տեղեկությունը չեն հաստատել:
Երեքշաբթի Հալեպ-Ռաքքա ավոտմայրուղու վրա բանակային ստորաբաժանումները ոչնչացրել են գնդացիրներով զինված 13 ջիպերի ավտոշարասյուն: Գրոհայինները փորձում էին օգնության հասնել զինված խմբավորումներին, որոնց Հալեպում շրջապատել են սիրիական ուժերը:
Աղբյուրի տեղեկություններով` Սիրիայի ազատ բանակի հսկողության տակ է գտնվում Սիրիայի սահմանային երեք հսկիչ անցակետ`Բեբ-էլ-Հավան (Իդլիբ), Հալեպից հյուսիս ընկած Ջարաբլյուսն ու Սալյաման:
