Բրազիլիայի «Ինտերնասյոնալ»-ի հարձակվող Դիեգո Ֆորլանը մտորում է Իտալիայի առաջնությունում իր անհաջող ելույթների մասին: Ուրուգվայցին նախորդ մրցաշրջանում 18 հանդիպում է անցկացրել «Ինտեր»-ի կազմում և ընդամենը 2 գոլ հեղինակել, որից հետո որոշել է այլ ակումբ տեղափոխվել:
««Ինտեր»-ում ինձ բավականաչափ խաղաժամանակ չէր տրամադրվում: Երբ Բրազիլիա տեղափոխության հնարավորություն ընձեռվեց` անմիջապես համաձայնեցի: Զգում էի, որ միջավայրը փոխելու իսկական ժամանակն է: Ես ստիպված էի լքել «Ինտեր»-ը: Սակայն այդ թեման ինձ համար արդեն փակված է:
«Բրազիլիայի առաջնությունը բարդ է: 6-7 թիմ պայքար է մղում` լավագույնների քառյակ անցնելու համար: Այստեղ անչափ կարևոր է բարձրակարգ ֆուտբոլ ցուցադրել»,- ասել է Ֆորլանը:
«Ինտերնասյոնալ»-ի կազմում Ֆորլանը 10 հանդիպում է անցկացրել և 2 գոլ խփել:
