Google+ սոցցանցում գրանցված օգտատերերի թիվը հասել է 400 միլիոնի: Այս մասին սոցցանցի իր էջում տեղեկացրել է Google կորպորացիայի փոխտնօրեն Վիկ Գունդոտրան: Ցանցի ամենամսյա ակտիվ լսարանը հասնում է 100 միլիոնի:
Հունիսի վերջին Google I/O կոնֆերանսի ժամանակ հաղորդվել է, որ սոցցանցի գրանցված օգտատերերի թիվը 250 մլն է: Այդ ժամանակ հաղորդվել էր նաև, որ ծառայության ամենօրյա լսարանը կազմված է 75 մլն, իսկ ամսական լսարանը՝ 150 մլն օգտատերերից:
Google+ սոցիալական ծառայությունը գործարկվել է 2011 թվականի հունիսի վերջին: Մինչև այդ տարվա սեպտեմբերի 20-ը գրանցումը կատարվել է միայն հրավերքով: Չնայած դրան` գործարկումից մեկ ամիս անց կայքն արդեն 25 մլն օգտատեր ուներ:
