Վրացական «9-րդ ալիք» հեռուստաալիքի փոխանցմամբ՝ Պանկիսի կիրճի նվազագույնը երեք բնակիչներ, որոնք բոլորն էլ Վրաստանի քաղաքացիներ են, համարվում են անհետ կորած՝ օգոստոսի վերջին Լոպոտ գետի կիրճում զինյալների վնասազերծման ուղղությամբ իրականացված հատուկ գործողությունից հետո:
Այդ շրջանի բնակիչները վրացական հեռուստաընկերությանը պատմել են, թե իշխանություններն ահաբեկում են իրենց, որպեսզի իրենք չբարձրաձայնեն այդ մասին: Վրաստանի ՆԳՆ-ի ներկայացուցիչ Սալոմե Մախարաձեն հայտարարել է, որ այդ կապակցությամբ պաշտոնական նոր տեղեկատվություն չկա:
Որոշակի տվյալներով՝ այդ հատուկ գործողության ժամանակ ոչնչացված 11 զինյալներից միայն երկուսը չեն եղել Վրաստանի քաղաքացիներ, ինչի համար էլ Վրաստանի իշխանությունները խճճվել են այդ հարցում և չգիտեն, թե ինչ կարելի է անել ներկայումս:
