ԲՀԿ ղեկավար Գ. Ծառուկյանի մամլո խոսնակ Իվետա Տոնոյանը երեկ ի պատասխան «Առաջին լրատվական»-ի` Ծառուկյանը գործուղմա՞ն է, թե՞ մասնավոր այց է կատարում արտերկիր, ասաց. «Գործուղումը ևս կարող է լինել մասնավոր այց»:
Հիշեցնենք, որ Ի. Տոնոյանը երկուշաբթի օրը պատասխանելով լրագրողների հարցին, թե ինչու Գ. Ծառուկյանը չի մասնակցում ԱԺ նիստին՝ ասել էր. «Նա մասնավոր այցով գտնվում է արտերկրում»: Սակայն Սերժ Սարգսյանը չորեքշաբթի օրը հրավիրած ԱԱԽ նիստի ժամանակ անդրադառնալով բացակայող Գ. Ծառուկյանին և ՍԴ նախագահ Գագիկ Հարությունյանին՝ ասել էր, որ նրանք գործուղման մեջ են: Իրականում Գ. Ծառուկյանը ի՞նչ այցով է գտնվում արտասահմանում: «Մասնավոր այցի շրջանակում կարող են լինել գործնական հանդիպումներ»,- խուսափողական պատասխան տվեց Ի. Տոնոյանը:
