Ավելի քան 80 դիզայներներ այսօր բացվող Լոնդոնի նորաձևության շաբաթի ընթացքում կներկայացնեն իրենց գարուն-ամառ հավաքածուները: 5 օրերի ընթացքում բրիտանական նորաձևության ֆավորիտները` այնպիսիք, ինչպիսիք են` Վիվիեն Վեստվուդը, Քրիստոֆեր Քեյնը, Փոլ Սմիթը և Քրիստոֆեր Բեյլին, նոր տաղանդների թվում կներկայացնեն կերպարներ, որոնք կոչված են սահմանելու գալիք սեզոնի հիմնական միտումները:
Ցուցադրության առաջին օրն իրենց աշխատանքները կներկայացնեն այնպիսի մոդելավորողներ, ինչպեսիք են` Դոմինիկ Ջոնսը, Բորա Աքսուն, Antoni & Alison, Fyodor Golan, PPQ ապրանքանիշերը և այլն: Շաբաթ օրը ուշադրության կենտրոնում կլինեն Issa London և House of Holland նորաձևության տների ցուցադրությունները: Կիրակի տեղի կունենա Վիվիեն Վեստվուդի (Red Label բրենդ), Թոմ Ֆորդի, Փոլ Սմիթի և Ջոնաթան Սոնդերսի ցուցադրությունների շոուն: Մոդայի շաբաթի վերջին երկու օրերին իրենց հավաքածուները կցուցադրեն Քրիստոֆեր Քեյնը, ինչես նաև Erdem, Burberry և Mulberry տները:
Լոնդոնի մոդայի շաբաթն առաջին անգամ անցկացվել է 1984-ին և Նյու Յորքի, Միլանի ու Փարիզի ցուցադրությունների հետ մտնում է նորաձևության համաշխարհային ցուցադրությունների այսպես կոչված «մեծ քառյակի» մեջ:
