Facebook սոցիալական ցանցը գործարկել է Facebook Ad Exchange (FBX) գովազդային հարթակը, որը գովազդատուներին հնարավորություն է տալիս հայտարարություններ տեղադրել իրական ժամանակում: Այս մասին հաղորդում է TechCrunch-ը:
Գովազդային հարթակի շնորհիվ ընկերությունները թիրախին ուղղված գովազդի հնարավորություն են ստացել՝ կողմնորոշվելով ոչ միայն սոցցանցերում օգտատերերի կողմից իրենց մասին տրամադրված տեղեկություններով, այլև համացանցում նրանց վարքով, որին համակարգը հետևում է сookies ֆայլի օգնությամբ:
Գովազդատուները գործում են ոչ թե ուղղակի, այլ գովազդի տեղադրման Demand Side Platforms համակարգի միջոցով:
Facebook-ում գովազդը կվաճառվի իրական ժամանակի ռեժիմում՝ աճուրդային համակարգով: Երբ օգտատերը բացում է իր էջը, հարթակը նրա сookies ֆայլերի հիման վա հարցումներ է ուղարկում DSP: Իրական ժամանակում գովազդատուները դրույքներ են կատարում՝ կապված այս ամ այլն օգտատիրոջ արժեքի հետ: Աճուրդում հաղթողը հնարավորություն է ստանում ցուցադրելու իր գովազդը:
Նոր հարթակի առավելությունն այն է, որ գովազդի համար կարիք չի լինի կայքում տեղ գնել. այն պարզապես անմիջականորեն պետք է հղել լսարանին: Բացի այդ` այն թույլ է տալիս գովազդը կցել իրադարձություններին, օրինակ՝ մարզական միջոցառումներին և կինոպրեմիերաներին:
Համակարգը փորձնական ռեժիմում գործարկվել էր դեռևս այս ամռանը:
Գովազդի վաճառքի նոր տեխնոլոգիան Facebook-ին հնարավորություն կընձեռի զգալիորեն մեծացնել գովազդի վաճառքից ստացվող եկամուտը: Նշենք, որ գովազդը ընկերության եկամտի հիմնական աղբյուրն է:
