ԱՄՆ նախագահական քարոզարշավի ամենաթեժ պահին դեմոկրատ, ԱՄՆ նախագահ Բարաք Օբամայի ու հանրապետական Միթ Ռոմնիի ուշադրության կենտրոնում Վաշինգտոնի գլխավոր տունն է: Սակայն մինչ Սպիտակ տունը որպես իրենց հնարավոր բնակության վայր դիտարկելը, նրանք երկուսն էլ ապրել են ԱՄՆ-ի տարբեր վայրերում:
Միթ Ռոմնին՝ Մասաչուսեթսի նախկին նահանգապետը, ունի մի քանի տուն Մասաչուսեթսում, Կալիֆոռնիայում ու Նյու Հեմփշիրում, գրում է Prian.ru-ն:
Մինչ այդ նա ուներ երկու այլ տուն՝ առանձնատուն Բելմոնտում, Մասաչուսեթսում, որոնք նա վաճառել է 2009թ. 3,5 մլն դոլարանոց ու դահուկային տնակ Յուտայի Պարկ Սիթիում, որը նա վաճառել է 2009թ. 5,25 մլն դոլարով, հաղորդում է NBC-ն:
Ռոմնիի գլխավոր տունը La Jolla քաղաքում շքեղ առանձնատուն է: Ռոմնիի կինն այն ձեռք էր բերել 2008թ.՝ լրագրողներին պատմելով, որ իրենք միշտ ցանկացել են ապրել ինչ-որ տեղ, որտեղ հնարավոր կլիներ լսել ալիքների աղմումը:
Ռոմնիների ընտանիքը 2010թ. հունիսին ձեռք բերեց երկու ննջարան ունեցող տուն Բելմոնտի արվարձանում: Համաձայն պաշտոնական տեղեկատվության՝ Ռոմնին 195 խմ տան համար վճարել է 895 000 դոլար:
Բացի այդ՝ Ռոմնին ունի 44 000 քմ ընդհանուր մակերեսով անշարժ գույք Վոլֆեբորո քաղաքում Ուիննիփեսոկի լճափին: Նրանք այդ տունը ձեռք են բերել 1997թ. 3 մլն դոլարով: Համալիրը ներառում է 501 քմ ընդհանուր մակերեսով տուն ու հավելյալ հյուրատուն հյուրերի համար: Այստեղ Ռոմնիի ընտանիքը հյուրընկալվում է ամռանը:
Բարաք Օբաման ունի ընդամենը 1 տուն Չիկագոյում: Կնոջ՝ Միշելի հետ այդ աղյուսե տունը Օբաման ձեռք է բերել 2005թ. 1,65 մլն դոլարով:
Այս տունը կառուցվել է 1917թ. ու ունի 575 քմ տարածք:
