Թուրքական Doğan լրատվական գործակալության փոխանցմամբ՝ Թուրքիայում շարունակվում է Աֆյոնքարահիսարի զինապահեստի պայթյունի գործով հետաքննությունը: Սեպտեմբերի 6-ին գրանցված այդ պայթյունի հետևանքով զոհվել էր 25 զինծառայող:
Եվ ահա, այդ գործի հետաքննման շրջանակներում կալանավորվել է զինդատախազություն կանչված մայոր Ալի Դուրանը: Իսկ գնդապետ Վեյսել Օզբայն ու ավագ լեյտենանտ Թարըք Այդընը ժամանակավորապես ազատ են արձակվել: Նշվում է, որ պայթյունի ժամանակ Աֆյոնքարահիսարի զինապահեստում գտնվել է 248 տոննա ձեռքի նռնակ, 360 տոննա արկ:
