Մոնրեալի նյարդաբանական ինստիտուտի գիտնականները պարզել են, որ նիկոտինի նկատմամբ հակումը պայմանավորված է գեների աշխատանքով: Եթե նիկոտինն արագ է ներթափանցում մարդու օրգանիզմ (արագ նիկոտինային մետաբոլիզմ), ապա նրա ուղեղն ավելի արագ է արձագանքում նիկոտինային հակվածությանը: Տվյալ հատկությունը փոխանցվում է ծնողներից:
Գիտնականների խոսքերով` կատարված բացահայտումը կարող է ծխախոտից հրաժարվելու նոր ծրագրեր ստեղծել, որը հիմնված կլինի մարդու գենետիկ կոդի վրա, գրում է Meddaily-ին:
Հետազոտողները հատուկ ուշադրություն են դարձել արագ նյութափոխանակություն ունեցող և օրական 5-25 գլանակ ծխողների ուղեղի աշխատանքի վրա: Հետազոտությունները ցույց են տվել, որ արագ նյութափոխանակություն ունեցող մարդիկ ավելի բուռն կերպով են արձագանքել ծխախոտի հետ առնչություն ունեցող նկարներին: Նրանց մոտ ծխելու սուր ցանկություն է առաջացել:
Դանդաղ նյութափոխանակություն ունեցող մարդիկ ավելի հանդարտ կերպով են արձագանքել ծխախոտի նկարներին: Գիտնականների կարծիքով` նման մարդիկ կարող են ծխել ոչ թե նիկոտինի նկատմամբ հակումից դրդված, այլ ուրիշ պատճառներով, օրինակ՝ սթրեսից:
